26.08.2010
Бекорчиликда, бўш вақтда ўзимга кўпинча керак бўлиб турадиган кенгайтма ёздим. У сиз ташриф буюраётган/буюрган сайтингизни Tas-ix тармоғида жойлашганликка текширади. Кенгайтма Абгарян Александр скриптидан фойдаланади.
Бирор сайтга ташриф буюришингизда кенгайтма бу сайтни текширади, агар сайт Tas-ix тармоғида бўлса, яшил иконка пайдо бўлади манзиллар сатрида:
18.07.2010
Жадал суръатда ривожланиб бораётган браузерлар бозорида Firefox ўрни бошқача. Веб-дастурчиларнинг ўзига хос «паккаси», севимли браузери ва иш қуроли, фойдаланувчилар учун кенг имкониятлар яратиб берувчи кенгайтмалар базаси, браузер ташқи кўринишини ўзгартириб берувчи андозалар ва бошқа имкониятлар «Firefox»нинг севимли браузерга айланишига олиб келди. Блогимни озми-кўпми ўқиб турадиган ҳамроҳларнинг аксарияти Firefox билан таниш, нотанишларга танишиб олишни таклиф қиламан.
Хуллас, танишинг: Firefox 4 Beta 1.
14.06.2010
Блогимдаги рукнлар рўйхатида «Ўйинлар»нинг пайдо бўлганига ҳам анча бўлди. Gothic 3 ҳақидаги мақола чала ётибди, Fallout 3 навбатда, Half Life сериясигача анча бор. Нимагадир ёзгим келаверади шу мавзуда. Ўзимни маълум маънода «геймер» деб аташим мумкин. Бўш вақтда ўзига хос виртуал оламда сайр қилиш, персонажлар билан суҳбат, у ёки бу воқеа тарихи(ўйин ичидаги), турли бошқотирмаларни ечиш, кимнидир қутқариш, кимнидир додини бериш(булар ҳам ўйинда, албатта ;) ва ҳ.к.лар ёқади менга.
Бошқалар билан ҳам ўзимни ҳайрон қолдирган фактлар, ҳикоялар, ўзимга ёққан, янги чиқаётган ўйинларни муҳокама қилгим келади. Афсуски, ўзбек геймерларини деярли танимайман; энг қизғин суҳбат олиб борадиган геймер дўстим эса Германияда. Фақат маълум ўйинлар бўйича бир-икки одам билан фикр алмашишим мумкин, лекин ўзим ўйнаган ўйинни у одам ўйнамаган бўлса, унга бу суҳбатнинг қизиғи йўқ. Кўпчиликни бирлаштирадиган ўзбекча, ўйинлар ҳақида маълумотлар бериб борадиган сайт(портал, блог) ҳам йўқ ҳозирча.
Шунинг учун, блогимда компьютер ўйинлари ҳақида ёзишга қарор қилдим. Асосан, ўзимга ёққан, машҳур ўйинларга тўхталаман. Скриншотлар, иложи бўлса, видеолари билан. Бирор кишини ўйинларга шўнғиб кетиши, бошқа ишларини ташлаб қўйишини ҳам хоҳламайман. Айнан мен учун ўйин — дам олиш усули(кўпчилик кино кўргани каби). Ўйинлар ҳақида ёзиш — ўзимнинг ички талабим. Ёққан, қизиққан одамлар ўқийверади, бошқалар инкор қилиши мумкин.
Яна бир нарса, кўп ўйинлар сюжетида илоҳлар, афсонавий махлуқлар, дунё эртакларидан олинган қаҳрамонлар учраши мумкин. Таъкидлайманки, бирор нотўғри ўй, бировни адаштириш мақсадида ёзмайман шулар ҳақида. Шунчаки ўйинни ишлаб чиқарган дастурчилар, дизайнерлар, сценаристларнинг ўйинни қизиқ қилиш мақсадидаги ҳатти-ҳаракати холос. Тўғри тушунишингиздан умидворман.
Хуллас, бор гап шу. Қолгани алоҳида мақолаларда давом этади.
10.06.2010
Янги чиқаётган браузерларни синаб кўришда давом этамиз. Бугунги «меҳмон» — Safari 5. Браузер ўзининг «родной» операцион тизимида текшириб кўрилди.
06.06.2010
Умуман олганда, ҳар қандай тузиладиган дастур қайсидир кўринишда маълумотлар билан ишлайди. Янгиликлар, мақолалар, фойдаланувчилар, ҳужжатлар ва ҳ.к.ларнинг ҳаммаси — маълумот. Баъзи ҳолатларда талаб қилинадиган дастурлар эса, бир-бири билан маълумот алмашиши талаб қилинади. Масалан, локал тармоқ учун қўйилган веб-сервер интернетдаги сайт билан турли кўринишда маълумот алмашиши. Ушбу мақолада PHP скриптлари орқали HTTP протокол билан ишлаш, маълумот жўнатиш ва олиш, curl кенгайтмаси ҳақида тўхталаман.
21.05.2010
Синовларни давом эттирамиз. Энди тест учун WordPress 3 Beta 2 юклаб олинди. Кўпчилигимизнинг блогларимиз ушбу тизимда ишлашини ҳисобга оладиган бўлсак, «WordPress»нинг янги имкониятлари қизиқ туюлиши эҳтимолдан ҳоли эмас(узун гап учун узр ;).
Қуйида бироз ўрнатиш ва фақат янги имкониятлари ҳақида тўхталаман. Синов Windows 7 x64 тизими, Apache 2.2, PHP 5.2.4, MySQL 5.0.24 ёрдамида ўтказилди.
19.05.2010
«Half Life 2»га янги модни юклаш арафасида «IE9 Preview»ни синаб кўрдим(Internet Explorer 9 Preview). Бу версия фақат тест қилиш учун чиқарилган: битта содда ойнадан иборат:
Ойна очилиши билан ўзини синовдан ўтказишни тавсия қилади.
18.05.2010
Яна мени кўп қийнайдиган нарсалардан бири — лотин алифбосидаги сўзлардан кейин келишик ва бошқа қўшимчаларни ишлатиш. Масалан, авваллари «PHP да» каби ишлатардим. Шунчаки, битта сўзлигини ҳисобга олсак, «PHPда» каби ёзиш керак. Лекин, асл «PHP» сақланиб қолишини лозимлигини ҳам ҳисобга олиш керак(қўшилиб кетмаслигини). Сизга қайси усул маъқул?
Агар турли қонунларга эътибор берсак, қуйидагича ҳолатни кузатамиз: «Ахборот олиш кафолатлари ва эркинлиги тўғрисида»ги қонун.
15.05.2010
Шу кунларда АТ(Ахборот Технологиялари) оламида катта шов-шувга сабаб бўлган воқеалардан бири Apple ва Adobe компаниясининг Flash технологияси борасидаги тортишуви бўлди. Икки компаниянинг ҳам мухлислари кўп; икки компания ҳам ўзига хос маҳсулотлар ишлаб чиқаради. Ўзбекистон шароити учун биринчи компаниянинг маҳсулотлари орзу бўлса, иккинчисининг маҳсулотларисиз фаолият юритишимиз қийин. Ҳар ҳолда, холис кузатувчи ва икки компаниянинг нисбатан холисона мухлиси сифатида кузатувларим билан бўлишишни лозим топдим.
14.05.2010
Ҳозирда бошлаб қўйган, бошламоқчи бўлган мақолаларим кўпайиб қолди. Биттама-битта чоп қилишга мажбур бўляпман. Шунинг учун, мавзуларни оммага ҳавола қилишни лозим топдим. Бир неча вариант танлаш имконияти бор. Энг кўп овоз олган мақолалардан бошлайман чоп қилишни. Кейинги мавзуларни ҳам шу кўринишда олиб боришим мумкин. Марҳамат, ўзингизга ёққан мавзуга овоз беринг(мавзу айдисини 4891 рақамига СМС тарзида юборинг; фақат паролни унутманг: 2404)!
Кейинги мақола мавзуси?
Овоз берувчилар сони: 9
Эслатма: мавзуларга овоз бериш учун «Овоз бериш» тугмасини босинг; ҳозирда фақат натижаларгина кўрсатиляпти.