Oʻzbekiston gimni

Meni shu savol anchadan beri qiziqtiradi: nega mustaqil Oʻzbekiston gimni va Sovet Oʻzbekistoni (SSR) gimni juda oʻxshash? Musiqasi bitta. Soʻzlari ham xuddi shu musiqaga tushishi shartdek yozilgan: qofiyalar va baʼzi soʻzlari takrorlanadi. Quyida soʻzi va musiqasini solishtiring (ikkalasi ham kirill yozuvida).

Oʻzbekiston SSR gimni

Ассалом, рус халқи, буюк оғамиз,
Барҳаёт доҳиймиз Ленин, жонажон!
Озодлик йўлини Сиз кўрсатдингиз,
Советлар юртида ўзбек топди шон!

*Нақорат:*
Партия раҳнамо, жон Ўзбекистон,
Серқуёш ўлкасан, обод, баркамол!
Тупроғинг хазина, бахтинг бир жаҳон,
Советлар юртида сенга ёр иқбол!

Серқуёш ўлкада кўрмасдик зиё,
Дарёлар бўйида эдик сувга зор.
Тонг отди, Инқилоб, Ленин раҳнамо,
Раҳнамо Лениндан халқлар миннатдор!

Коммунизм гулбоғи мангу навбаҳор,
Тоабад қардошлик – дўстлик барҳаёт!
Советлар байроғи ғолиб, барқарор,
Бу байроқ нуридан порлар коинот!

Mustaqil Oʻzbekiston gimni

Серқуёш хур ўлкам, элга бахт, нажот!
Сен ўзинг дўстларга йўлдош, меҳрибон!
Яшнагай то абад илму фан, ижод,
Шуҳратинг порласин токи бор жаҳон!

*Нақорат:*
Олтин бу водийлар – жон Ўзбекистон,
Аждодлар мардона руҳи сенга ёр!
Улуғ халқ қудрати жўш урган замон,
Оламни маҳлиё айлаган диёр!

Бағри кенг ўзбекнинг ўчмас иймони,
Эркин, ёш авлодлар сенга зўр қанот!
Истиқлол машъали, тинчлик посбони,
Хақсевар, она юрт, мангу бўл обод!

Nega umuman boshqacha soʻz va musiqa yozilmagan menga haligacha qorongʻu.

Oʻzbekiston gimnlari haqida yana ikkita fakt:

Sobiq sovet davlatlaridan faqat 4 tasi mustaqil boʻlgandan keyin eski gimn musiqasini qoldirgan: Oʻzbekiston, Tojikiston, Rossiya va Belorussiya.
Sovet davlatlaridan faqat 3 tasi gimni rus xalqini qayd qilgan: Oʻzbekiston, Tojikiston va Turkmaniston.

Aytgandek, Oʻzbekiston gerbi ham Oʻzbekiston SSR gerbini deyarli takrorlaydi (Tojikiston va Belorussiya kabi :). Bu borada bayroqning redizayni ancha muvaffaqiyatli chiqqan.

#mustaqillik

23-iyun 2019